ການຊ່ວຍເຫຼືອດ້ານອາວຸດໜັກໃຫ້ອູແກຣນ ມີຄວາມສ່ຽງຕໍ່ການສູ້ຮົບດຸເດືອດຂຶ້ນກວ່າເກົ່າ
ສຳນັກຂ່າວຊິນຮວາລາຍງານ ໂດຍອີງຕາມປະທານສະພາດູມາແຫ່ງຊາດຣັດເຊຍໃຫ້ຮູ້ວ່າ: ການຊ່ວຍເຫຼືອດ້ານການທະຫານຂອງກຸ່ມນາໂຕ ແລະ ອາເມ
ຣິກາ ເປັນການບັງຄັບໃຫ້ຣັດເຊຍຕ້ອງຮັບມືດ້ວຍການນຳໃຊ້ອາວຸດໜັກກວ່າເກົ່າ ແລະ ຍັງອາດຈະຕ້ອງເພີ່ມອາວຸດໜັກໄປເລື້ອຍໆ ຖ້າຫາກຮັບມືບໍ່ໄດ້.
ທ່ານ ວະຢາເຊັສລັຟ ໂວໂລດິນ ປະທານສະພາດູມາແຫ່ງຊາດ ຣັດເຊຍ ກ່າວວ່າ: ກຸ່ມນາໂຕ ແລະ ອາເມຣິກາ ສະໜອງອາວຸດໃຫ້ອູແກຣນໃຊ້ເຂົ້າໃນ ການໂຈມຕີຕົວເມືອງຂອງຣັດເຊຍ ແລະ ຢຶດເອົາຜືນແຜ່ນດິນຂອງຣັດເຊຍນັ້ນ ຈະເຮັດໃຫ້ຣັດເຊຍຕ້ອງຮັບມືດ້ວຍການນຳໃຊ້ອາວຸດທີ່ແຂງແຮງກວ່າເກົ່າ. ທ່ານ ໂວໂລດິນ ຍັງກ່າວອີກວ່າ: ການສະໜອງອາວຸດແບບໂຈມຕີໃຫ້ແກ່ອູແກຣນຈະສ້າງໄພພິບັດໃຫ້ທົ່ວໂລກ, ປະເທດໃຫຍ່ທີ່ມີອາວຸດນິວເຄລຍຈຳ ນວນໜຶ່ງກ່າວວ່າ ຈະບໍ່ໃຊ້ອາວຸດລ້າງຜານຂະໜາດໃຫຍ່ໃນການປະທະກັນພາຍໃນພາກພື້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/01/2023